انا وحالي ... قرفت حالي ...

--------------------------------------------------------------------------------

انا وحالي ... قرفت حالي ...



وانا عم اغسل وجهي طلعت على حالي في المراية كلنا بنعرف المراية بس انا نادرا ما اطلع علها مع اني زمان كنت اطلع عليها كثير ايام الولدنة بس هسه بعد الواحد ما كبر بطل يطلع عليها لا في المناسبات وانا بطلع على حالي حكيت مع حالي حوار صغير ... و صارت معي القصة الغريبة ..




انا : متغير كثير ..


حالي : كل هوى واسكت ..


انا : بس والله حاسس حالي متغير وختير كمان ..


حالي : شو يعني بدك تضل صغير ..

انا : مش هيك القصة ..

حالي : بس شو القصة يما ..

انا : لسه ما حققت احلامي ..

حالي : شو ما سمعت عيد ..

انا : احلامي واهدافي في الحياة ..

حالي : شو احلام وبطيخ اطلع من الابواب هي..

انا : بس من حقي احلم واتخيل ..

حالي : وشو احلامك يما ..

انا : مثل اي شب في الدنيا ..

حالي : وشو هي احكي تحكي عليك حيطة ..

انا : يعني اتزوج واكمل دراسة واشتري بيت وسيارة ويكون عندي ولاد و الخ ..

حالي : ايوة هاي هي احلامك بسيطة انا فكرت في مشكلة ..

انا : كيف بسيطة ..

حالي : اول 100 سنة صعبة وبعدها بتهون ..

انا : ول يا حالي ورح اضل للـ 100 انا ..

حالي : وشو بدك تعمل يعني ..

انا : مممممممممممممممممممم ..

حالي : عيش وانتا ساكت ..

انا : وكيف اضلني هيك يعني ..

حالي : اذا مش عاجبك كول هوى ..

انا : يعني ما في حل ..

حالي : في حل ..

انا : ايدي بزنارك شو هو ..

حالي : شو ما شفت احكي منيح ولا تطلع على المراية مرة تانية ..

انا : تيتي تيتي مثل ما رحتي مثل ما جيتي ..


صدقا مرات الواحد بحس في انفصام وما بعرف كيف صار يحكو مع حالو .. يعني مستغرب كثير رح تضل هيك الشباب ... مرات بفقد الامل ومرات برجع وبكذب على حالي انه في امل ..قرفت حالي يا عالم ... قرفت حالي يا بشر ... وعلى قولة حالي بدك تعيش يا وبدك تمشي الحيط وتقول يارب الستر .. وبدك تضل دافن راسك مثل النعامة ...







في حدى بحكي مع حالو غيري ؟؟؟

مشكور بس بدك الصراحة مو حلوة ومو مفهوم منها شي

هههههههههههههههههههههه
حلوة منك يا بست هي شوي معقدة بس فهمتها
شكرا كتير